Uppskrift | HEIÐA húfan

Húfan Heiða er hönnuð af Hjördísi Þorfinnsdóttur fyrir Hörpugull og er frábært prjónaverkefni fyrir byrjendur.

Uppskriftin er einföld og skýr og hentar vel þeim sem vilja prjóna sína fyrstu húfu eða leita að fljótlegu og notalegu verkefni. Húfan er prjónuð í hring og myndar hlýja og fallega húfu sem hentar vel í daglegri notkun.

Heiða-húfan nýtur sín sérstaklega vel þegar hún er prjónuð úr íslenskum lopabandinu, sem gefur henni léttleika, hlýju og náttúrulegan karakter.

Innifalið í uppskriftinni

• Nákvæm prjónauppskrift (Íslenska / Enska) í rafrænu formi. Þú munt ekki fá senda til þín uppskriftina í pósti, heldur færðu Email með henni í PDF formi.

Efni sem þarf

• 50 g af einföldum Þingborgarlopa  
• Hringprjónar nr. 3.5 mm og 5.5 mm

Erfiðleikastig

Byrjendur

Þessi uppskrift hentar sérstaklega vel þeim sem eru að stíga sín fyrstu skref í prjóni eða vilja einfalt og ánægjulegt verkefni.

Hönnun: Hjördís Þorfinnsdóttir fyrir Hörpugull

-

Algengar spurningar:

Hentar þetta prjónaverkefni byrjendum?

HEIÐA húfan hentar vel byrjendum. Hægt er að velja hvort húfan er prjónuð í hring eða fram og til baka og saumuð saman. Í húfuna er notaður einn litur. 

Hvað er íslenskur lopi -plötulopi?

Plötulopi er óspunninn ullarþráður sem gerir hann viðkvæman í vinnslu en vegna sérstakra eiginleika íslensku ullarinnar þá er hann ótrúlega sterkur í flík, hlýr og náttúrulega vatnsheldur. Hægt er að vinna úr plötulopa með því að nota hann einfaldan eða vinda hann tvö- og þrefalt allt eftir því hversu þykk flíkin á að vera. Einnig er hægt að vinda plötulopa saman við annað band, t.d. einband sem styrkir lopann. HÉR er hægt að lesa meira um hvað það er sem gerir íslenska ull einstaka. 

Hvað er sérstakt við þingborgarlopann?

Þingborgarlopinn er unninn af Ístex úr sérvalinni fyrsta flokks lambsull og við þvott ullarinnar eru notuð mild hreinsiefni svo að nátttúruleg fita og aðrir mikilvægir eiginleikar í ullinni haldist í lopanum. Þetta nákvæma vinnuferli og að í hann er aðeins notuð besta lambsullinn gerir hann mýkri og náttúrulegri. HÉR er hægt að lesa meira um hvað það er sem gerir þingborgarlopann sérstakan!