Hörpugull er fjölskyldufyrirtæki á Suðurlandi þar sem við handlitum íslenskan Þingborgarlopa í litlum skömmtum.

Allur lopinn er unninn úr sérvalinni íslenskri lambsull með áherslu á að varðveita náttúrulega eiginleika ullarinnar. Við sækjum innblástur í liti og fjölbreytileika jurtaríkisins - enda bera allir litir Hörpugulls nöfn plantna og trjáa. Við handlitun verður hver dokka einstök sem gerir hverja flík úr lopanum sérstaka. 

Íslenska ullin er einstök að gerð. Mjúkt og einangrandi þelið ásamt sterkara toginu gerir plötulopann léttan og hlýjan og hentar hann því sérstaklega vel í flíkur fyrir íslenskar aðstæður.