Friggjarlykill

Efni: 100% íslensk ull
Metrar og þyngd: 170m/50g í dokku
Prjónastærð: 3 - 5 mm.

Hver dokka inniheldur einfaldan Þingborgarlopa sem er unninn úr sérvalinni fyrsta flokks lambsull. Til að ná fram björtum og skínandi litum er hvítur lopi handlitaður með ediksýrulitun sem að gerir hverja dokku einstaka og ólíka annarri - allt eftir því hversu fylltur liturinn er. 

Nafnið var valið því liturinn minnir á blómlit friggjarlykils (Primula florindae) sem er lágvaxin planta sem er óvenju raka- og skuggþolin miðað við aðra lykla. Hún blómstrar mörgum smáum blómum í knippi á háum blómstilk.

-
Þvottaleiðbeiningar:
Leggðu flíkina í volgt vatn (30°C) með mildri sápu. Látið hana liggja í vatninu í fimm mínútur. Takið hana svo upp úr, vindið varlega og leggið í hreint skolvatn. Kreistið skolvatnið úr og leggið á handklæði til þerris. Mótið flíkina til og sléttið úr.