FORSALA | ÁR EFTIR ÁR -minningalaupur

ATHUGIÐ – FORSALA!

Bókin er væntanleg úr prentun í desember 2026. Pantanir verða afgreiddar þegar bókin kemur úr prentun.

Hvað gerðist í dag?

Fyrir einu ári, tveimur eða tíu?

Minningar eru ljós sem lýsa upp hversdaginn, en í amstri hans vilja þær oft gleymast.

Ár eftir ár – Minningalaupur er bók þar sem þú getur safnað saman augnablikum úr lífi þínu, rétt eins og hrafninn safnar dýrgripum í hreiðrið sitt.

Hver dagsetning á sína eigin síðu, án ártals. Þar getur þú varðveitt minningar frá deginum í dag eða rifjað upp atvik frá liðnum árum. Smám saman fyllast síðurnar af augnablikum sem saman segja þína sögu.

Þar má varðveita:

• Gullkorn og skemmtileg samtöl
• Litla sigra og stóra áfanga
• Ferðalög og hversdagsævintýri
• Ljósmyndir, miða og úrklippur

... eða hvað sem þú vilt varðveita í minningalaupnum þínum.

Gefðu sköpunarkraftinum lausan tauminn og njóttu þess að safna minningum sem þú getur yljað þér við um ókomin ár.

Ný og endurbætt útgáfa

Ár eftir ár – Minningalaupur kemur nú aftur í uppfærðri útgáfu.

Bókin heldur sömu stærð og áður (17 × 24 cm), en er nú með 384 síður úr þykkari pappír, saumaðri bindingu og mjúkum, sveigjanlegum kili sem eykur endingu og gerir þægilegra að fletta og skrifa í bókina.